Friday 27 February 2009

0

Sajak Sunda: Cinta Mah Moal Lapur ku Umur

  • Friday 27 February 2009
  • Unknown
  • Share
  • Maya Ardiwinata pada 9:02 20 Februari
    Hanas diri bungah ati
    nganti jangji pasinina
    harianeun pasini pegat di jalan,…duh geuning
    balukarna tina asih malih warni jadi peurih
    Impian biheung kasorang,…jungjunan
    hariring ati nu kingkin….

    Badru Tamam Mifka pada 9:25 20 Februari
    Hanas diri dinyari-nyari
    nganti panggih kapaut ati
    harianeun anjeun, Jungjunan, meuntas leupas…
    Duh geuning cinta mah pinuh rusiah
    mipit langit ku hate nu lungse, Gusti
    bagjakeun jungjunan ati

    Maya Ardiwinata pada 9:53 20 Februari
    Goong teh kaimpi totos
    duka naon balukarna
    kajeun teu wawuh jeung dulur
    kajeun anggang jeung baraya
    tinimbang heunteu laksana
    diri abdi jeung anjeunna,….geuning
    raga iklas bibilasan….

    Badru Tamam Mifka pada 23:09 20 Februari
    Bagja kacipta, kasura tunggara
    Duka naon rusiahna
    Sawang kamelang malang kahayang
    Nurih hariring kapeurih unggal peuting
    Meusmeus ngejat meupeus munajat
    Ngalanglayung satungtung can tepung
    Naha atuh bet ngarasa jauh
    Cinta mah moal lapur ku umur,
    moal kungsi angkeub ku wanci…

    0 Responses to “Sajak Sunda: Cinta Mah Moal Lapur ku Umur”

    Post a Comment

    Subscribe